WILLEMSTAD.- Dia 30 di desèmber nuebe parlamentario a manda presidente di Parlamento un karta ku e 5 kondishonnan ku e mayoria di miembronan di Staten ta ekspresá.
Segun e parlamentarionan nan ke investigá si nan por tolerá e gobièrnu aktual. Pa esaki nan ta bin ku diferente kondishon pa minister-presidente Hensley Koeiman. Manera ta konosí Parlamento di Kòrsou awor ta konsistí di 14 Parlamentarionan. Nuebe di nan a splika ku nan no tin konfiansa den e gobièrnu.
Komo kondishon e nuebe parlamentarionan ta puntra pa gobièrnu lo forsa Aqualectra pa baha tarifanan di awa i koriente promé ku promé mart di 2017.
Tambe gobièrnu mester bai di akuerdo pa hasi mas investigashon na kompanianan chines di Guangdong Zhenrong, ku ke manehá refineria, promé ku gobièrnu sigui kombersashonnan.
Tambe e parlamentarionan ta puntra pa kita e afsprak ku un estudio di ‘bachelor’ pa polis ku e instituto di Carl Camelia i tuma kontakto ku otro institutonan di enseñansa lokal.
Un otro punto ta ku Kòrsou mester anulá lei di konseho di reino promé ku fin di aña 2017.
Komo punto number 5 e nuebe parlamentarionan ta di opinion ku gobièrnu ta stòp ku supsidiá Fondo pa Deporte i Responsabilidat Sosial (FDRS).
Si gobièrnu no ta komprometé su mes ku e 5 kondishonnan e nuebe parlamentarionan no por tolerá gabinete-Koeiman, nan ta splika den e karta.
Bron: Extra
Eens een crimineel … Schotte altijd een crimineel met sabotage en chantage van de regering. Energie verspild ten koste van Kòrsou en haar bevolking.