WILLEMSTAD. – Korte den Apelashon den e kaso kontra di Leonardo Amaya Urbina no a mira niun motibu pa desviá for di e veredikto di Korte di promé Instansia.
Leonardo ta un venezolano ku a bin Kòrsou pa e bende arma di kandela, ta konfrontá kontrol di polis i ta disidí di tira riba e polisnan. Ta hopi suerte e polisnan tin ku nan no a muri.
Tabata 22 òktober 2015 na altura di Yumuri riba Rooseveltweg, ora ku e anochi ei, Leonardo tabata huntu ku su amigu Karoly Flores Molina, i nan dos su amiganan.
Despues di a atmití su kulpabilidat, e ta kambia su deklarashon e di a buta preshon riba dje pa e atmití e kulpabilidat.
A bin un tiramentu di kulpa riba otro ku por sierto no a yuda e kousa.
Leonardo ta e akusado ku a tira e dos agentenan polisial riba dia enkuestion.
Wes a bisa e akusado ku ta hopi straño kon e ta tuma un akusashon asina serio riba dje, miéntras e no konosé Floviolento. E no tin niun datos di e hòmber aki. Leo a keda para riba ku esaki ta e bèrdat.
Sinembargo su amigunan ku e tabata huntu kuné e anochi ei i tur otro hendenan ku a yud’e, a bisa ku ta Leo a tira e dos agentenan polisial.
Manera ariba menshoná, nada no a kambia i Leonardo a keda kondená na 14 aña di prizòn.
Bron: Extra