Awe mainta G.J. a presentá dilanti Wes-komisario pa e sigiente periodo di kustidia (bewaring). E petishon pa e keda será mas largu a keda rechasá pa Wes-komisario. Ta nifika ku G.J. ta bai kas awe.

Fiskal di Ministerio Publiko (OM) ta enfatisá ku G.J. ta keda sospechoso den e kaso di violensia relashonal.

Den su desishon Wes-komisario a bisa ku tin ketu bai sospecho fuerte di violensia relashonal kontra e sospecho pa loke ta trata e akusashon, pero ku el a opta pa manda J. kas komo ku e investigashon polisial den su kaso ta kla. Pues pa e investigashon no ta nesesario pa e keda será.

Wes-komisario a rechasa e petishon pa keda sera i no a pone ningun kondishon pa su libertat.

OM ta kontinuá ku e preparshon pa hiba e kaso kontra J. (Akusashon di violensia relashonal) Korte.

Bron: Openbaar Ministerie