WILLEMSTAD.- JCI IOBA Kòrsou den kooperashon ku BasilaChill a duna di konosé ku nan lo tene exit polls durante elekshon riba 28 di aprel benidero.

Konseho Supremo Elektoral no tin nada di aber ku organisashon di e exit polls ei. Si pa un òf otro motibu, un otro un impreshon a keda kreá nos ta deklará ku esaki no ta asina.

Si ta asina ku JCI IOBA Kòrsou a pone Konseho Supremo Elektoral na altura di nan intenshon pa tene exit polls. Konseho Supremo Elektoral a laga nan sa e ora ei ku esaki no mag di stroba e proseso elektoral.

Loke ta nifiká ku e exit polls no por tuma lugá den un urna (stemlokaal) òf den serkania direkto di un urna. Den práktika esaki lo nifiká ku exit pollsnan lo tuma lugá sea riba lugá di parker òf di hunga di un skol òf pafó di tereno di skol. Tambe no tin mag di aserká votadónan ku te ainda mester vota.

Bron: Extra