momentu ku Minister Whiteman ta firma dekreto ministerial ku ta formalisá instalashon di drs. Gersji A. Rodrigues Pereira komo Inspektor di Salubridat nobo pa Kòrsou.

Willemstad – Djaluna último Minister di Salubridat, Medio Ambiente i Naturalesa dr. Bernard Whiteman a firma e dekreto ministerial pa instalá drs. Gersji A. Rodrigues Pereira komo Inspektor di Salubridat nobo pa Kòrsou. For di e momentu ei por bisa ku drs. Rodrigues Pereira formalmente ta den servisio di pais Kòrsou i ta kuminsá mesora ku su trabounan. Rodrigues Pereira tin algun aña kaba na Kòrsou i ta poseé eksperensha amplio riba tereno di salubridat.

E Inspektor di Salubridat nobo ya a kuminsá ku preparashonnan i pa djaluna awor tin un bishita planeá na Inspekshon di Salubridat, Medio Ambiente i Naturalesa kaminda e lo sera konosí ku su koleganan. Drs. Rodrigues Pereira lo pone atenshon na nos sistema di kuido i kon esaki ta keda ofresé na komunidat.

momentu ku Minister Whiteman ta felisitá Inspektor di Salubridat
drs. Gersji A. Rodrigues Pereira nèt despues di a firma e dekreto ministerial.

Minister Whiteman i Inspektor di Salubridat drs. Gersji A. Rodrigues Pereira.

Bron: kikotapasando