Vigilante | Dick Drayer ta sigui insultá prensa lokal

Despues di a yama periodistanan di Kòrsou kobarde riba website

Dick Drayer | Foto Vigilante

Dick Drayer | Foto Vigilante

Punda- E reportero stranhero, Dick Drayer, kende su publikashonnan ta saliendo riba e sait rasista “Knipselkrant” ta sigui insultá prensa lokal. E biaha aki, riba su Facebook, Drayer a saka foto di e vehíkulonan ku fotografnan di Vigilante kompaña pa tekstonan insolente kontra di Vigilante i su fotografnan.

No ta promé biaha e reportero stranhero ta ofendé yunan di Kòrsou den prensa. Den pasado, Dick Drayer a yega di bisa ku reporteronan yu di Kòrsou ta sin kurashi i ku miedu di skibi i relatá bèrdat. El a bisa ku dor ku Kòrsou ta chikí, e reporteronan ta traha ku miedu. Ku esaki, Drayer a yama reporteronan di Kòrsou kobarde.

No ta esei ta tur kos. Drayer ta sigui mustra su sentimentunan di superioridat i ta distinguí su mes, personalmente for demas miembronan di prensa, momento el a bisa ku na Kòrsou, periodismo investigativo ta den “sapatu di mucha”. Kontrali na demas reporteronan stranhero kendenan a bin biba na Kòrsou i mustra rèspèt, manera e kabayero Oscar van Dam”

Dick Drayer ta indiká su karakter di ta balotando miembronan di prensa lokal. Mas serio ainda e ta skibi su artíkulonan den medionan di komunikashon ulandes digital, ku ta sali publiká na Ulanda kreando e imáhen ku prensa na Kòrsou ta di kalidat inferior.

Siman pasá, fotografnan di Vigilante a bai un evento di polis i stashona nan vehíkulo huntu. Drayer, riba su facebook den su idioma a skibi i ofendé e reporteronan sin tabatin mester. Sin nodi, sin motibu, dunando su opinion personal i mancha imáhen di e fotografnan ku ta traha tur dia pa nan pan.

Asina Drayer a hasi, miéntras ningun dje fotografnan no ta ni konosé Drayer te pa nan mester aseptá un insultá similar. Hopi reportero den prensa ta deliberando aktualmente pa asumí un posishon.

Hopi no ta haña honesto ku un reportero stranhero por yega Kòrsou i insultá nan koleganan sin mas riba medionan di komunikashon ku ta yega te na Ulanda.

Bron: Vigilantekorsou

6 Reacties op “Vigilante | Dick Drayer ta sigui insultá prensa lokal

  1. Eén woord: crybaby!

  2. Wat een taal wordt er weer gebezigd. Jammer allemaal.

  3. De raciale joker wordt weer eens ingezet, dat doet men altijd als men eigenlijk niets zinnigs te zeggen heeft.
    Triest dat men dit zelf nog steeds niet door heeft. Jammer hoor.

  4. Perodistanan mester ta honesto i print e berdad-pero di Vigilante no sa kaba den saku di ken e “jongentjes “nan aki ta- zielige zooi nep reporters.

  5. E ponesia -DEN SU IDIOMA??? meneer dat IS ONZE LANDSTAAL-check bo paspoort-NEDERLANDER
    Papiament ta un joke hopi grandi.

  6. Laga nos ta bon kla-e persona ku a skirbi e ponensianan aki ta e rasista-e meneer drayer ta un Hollandes-dus landskind meneer-check bo paspoort=e tin tur derechi di bisa kiko e ta pensa-Meskos ku abo-nase na antillas ke ta na Hollanda i tin tur derechi i boka grandi ora ta ajanan.Dus houd je groote smoel maar eens -want jij bent de rassist.
    Ami un berdadero yu Korsow BLANKU

Geef een reactie

Het e-mailadres wordt niet gepubliceerd. Vereiste velden zijn gemarkeerd met *