Ministerio Públiko a entamá un kaso kontra abogado Marije Vaders pa konflikto di interes.

Marije Vaders ta abogado di Gerrit Schotte i Charles Cooper p’e investigashon ku Ministerio Públiko a kuminsá kontra e dos polítikonan di MFK a base di un keho pa soborno ku parlamentario Yael Plet di MAN a hasi kontra ámbos. Ministerio Públiko ta konsiderá esaki un konflikto di interes.

Djaweps próksimo Korte lo trata e kaso den un asina yamá ‘raadkamerzitting’. Esaki ta tuma lugá ku porta será, pues no ta permití públiko ni prensa di presensia esaki.

No ta promé bia ku Ministerio Públiko ta hiba un abogado dilanti pasobra e ta representá dos sospechoso den mesun kaso. Na tur okashon, esakinan ta keda trata ku porta sera.

Bron: TeleCuracao Multimedia