Korte a sigui ku tratamentu di e di dos dia den kaso di dòbel asesinato di Nikita Attaf i Shendrik Randt. Dia 17 di mart 2015 a haña kurpa sin bida di e dos personanan aki den mondi na Bullenbaai.
Despues di investigashon a logra detené 5 sospechoso. Djarason último, esta 19 di ougùstùs a kuminsá ku tratamentu di e kaso aki. E tratamentu pro forma tabata planiá pa 17 di mei, pero fiskal a pidi pa posponé en espera di algun resultado.
Korte a bai di akuerdo. Durante e promé dia korte a trata e 4 sospechosonan Kolombiano ku tambe ta sospecha di atrako. E tabata un momentu di hopi emoshon paso e deskripshon di e asesinato tabata hopi gráfiko.
Ta tratando e di 5 sospechoso, esta e yu di Kòrsou. Na e momentonan aki fiskal ta hasiendo su rekisitorio, pues na e ey lo sa kiko demanda di fiskal ta.
Bron: TeleCuracao