Kuerpo Polisial awe mainta a demostra ku nan por solushona kasonan i ta yega na e sospechosonan unda ku nan skonde. Tabata awe mainta trempan ku polisnan di Tim di Aresto huntu ku e Tim Investigativo a bai 3 adres relashona ku e tiroteo riba agentenan polisial.

A bai na un kompleho na Cabo Verdeweg unda a hasi detenshon di 1 homber i 1 dama venezolano, mientras a bai na un kas na Saliña Abou kaminda a detene 2 homber I 1 muhe. E di 6 detenshon a tuma luga na Pier na Marie Pampoen kaminda Tim di Aresto a yega i blokia un vehikulo i hasi detenshon di un homber kurasoleño mientras ku a bai na su kas na Steenmijn unda tambe a tene entrada hudisial.

Durante di buskeda na tur e adresnan aki a konfiska arma di kandela i tambe varios otro artikulo mas importante pa e investigashon. Pues un total di 6 detenshon te ku awor relashona ku e mega operashon aki.

Bron: Strealuz