Segun Eduard Braam awe mainta: E ta dispuesto pa yuda amplia koalishon pero PAR no ke mir’e den koalishon | Extra

WILLEMSTAD – Den un deklarashon awe mainta riba Facebook, e parlamentario independiente, Eduard Braam a deklará ku ta un echo ku el a mustra su disponibilidat pa yuda forma ku tur partido (sin eksepshon) ku ta buta Kòrsou na promé lugá.

“M’a deklará esaki na diferente okashon den diferente medio di komunikashon. Echo ta ku mi a keda aserka algun dia pasa pa yuda amplia e koalishon aktual. Awor m’a komprondé ku partido PAR no k’e mira Braam den e koalishon aktual. M’a skucha esaki awe mainta na radio.

Opviamente e lider di PAR a keda pega den pasado i ta buta Kòrsou na di dos lugá ku su desishon renkoroso. Ami ta keda masha trankil den oposishon i sigui traha duru pa vigilá interes di mi Pueblo. Un kos si, ora palu hala ku e koalishon, kòrda bisa “nan” pa no bin buska mi.”

Esaki tabata Braam su deklarashon awe mainta.

Bron: Extra