Koeiman: A trata di kumpra parlamentario di MAN | Extra

WILLEMSTAD.- Tin eksponente parlamentario di MAN ku nan a trata di kumpra ku sèn pa “bula waya”, pues pa kita sosten for di e partido. Esei e lider polítiko di MAN, sr. Hensley Koeiman, a konfirmá ayera durante un enkuentro ku prensa.

Sorpresivamente a puntra sr. Koeiman di esaki, i komo ku e ta un persona ku ta papia e bèrdat el a splika ku en bèrdat hendenan di mente maligno a ofresé plaka na un di su parlamentarionan, pero ku esaki a nenga. Koeiman a preferá di no divulgá e nòmber dje parlamentario, agregando ku ta un asuntu ku a ser tratá internamente i lo keda tambe komo algu interno.

Bron: Extra