...Apesar di pone abogado na altura. Hues Komisario ta di opinion ku Jamaloodin mester tei... | persbureau Curacao

WILLEMSTAD. - Den un komentario kòrtiku formulá pa redakshon di EXTRA, bosero di Korte di Hustisia hues mr. Sigmar Carmelia a duna di konosé ku en bèrdat petishon konforme artíkulo 56 di sr. George Jamaloodin tabata planiá pa keda tratá dia 22 di sèptèmber tras di lomba.

E echo ku lei ta indiká ku e persona ku a hasi e petishon konforme artíkulo 56 di Kódigo Penal, mester keda tend’é.

Segun e splikashon di Korte, t’asina ku apesar ku Hues Komisario a pone e abogado di Jamaloodin na altura ku Jamaloodin mester tei personalmente durante e tratamentu pa e keda tend’é, tòg sin previo aviso Jamaloodin no ta presentá.

P’esei e kaso a keda suspendé pa tende di abogado konkretamente kiko ta e posibilidat pa tende Jamaloodin personalmente.

Bron: Extra