Klein Hofje moord | Extra

WILLEMSTAD.- EXTRA a hiba un kombersashon ku bosero di kuerpo polisial di Kòrsou Sr. Alfred Suarez kende a konfirmá ku ainda no por konfirmá identidat di e restunan di un hende hòmber ku a keda deskubrí dia 15 di aprel último den un roi na Klein Hofje.

For di dianan ku a deskubrí e restunan a inisiá ku outopsia di lei pa despues sigui ku e parti di DNA. Pa e parti di outopsia di lei lo no duna ningun informashon pa no stroba e parti di investigashon.

Famianan a saka informashon den prensa lokal i tambe na libanon kaminda NAN ta konfirmá ku e restunan deskubrí ta di e hòmber libanes ku ya tin mas ku 25 dia ku el a keda sekuestrá i asta a indiká ku e sekuestro lo tin vínkulo ku baho mundu mirando ku a haña e hòmber aki su kara di teip.

Sinembargo Suarez a indiká riba konfirmashon di e fiskal ousiliar ku awor parti di e restunan ku ta nesesario a keda manda Ulanda pa inisiá ku e proseso di DNA na NFI (Nederlandse Forensys Instituuut). Esaki a tuma algun dia debí ku mester a warda e materialnan di komparashon nesesario promé ku manda esakinan Ulanda. Awor mester warda e resultadonan promé ku por duna informashon òf eventualmente kualke konfirmashon.

Bron: Extra