Djamars 23 di aprel 2013 alrededor di 15.10’or polis a haña notifikashon for di Hospital St. Elisabeth ku e víktima Joel Daniel MICHEL, nasé na Kòrsou 5 di novèmber 1975, ku tabata envolví den un aksidente dia 21 di aprel último riba St. Rosaweg (komunikado di prensa no. 249), a fayesé.
Relato:
Djadumingu 21 di aprel 2013, alrededor di 23.19’or, e víktima manehando su vehíkulo riba Sta. Rosaweg direkshon Schottegatweg Oost, na dado momento dor di velosidat haltu a pèrdè kòntròl, kita bai na man robes i bai dal violentamente kontra di ‘vangrail’ i un palu di lus, pa despues bòltu.
Dor di e impakto e shofùr a bai kai pafó di e vehíkulo.
Ambulans a transportá e víktima ku tabata den un estado hopi grave pa Poliklínika di Hospital St. Elisabeth, na unda el a keda interná den kuido intensivo.
Awe polis a risibí e informashon manera relatá ariba ku e víktima a fayesé.
E ta bira e di kuater (4) víktima di tráfiko di 2013.