WILLEMSTAD – Considera como un buelta interesante, abogadonan di ex prome minister di Corsou Gerrit Schotte y su partner Cicely vd Dijs den fin di siman haci un peticion poco inusual na Corte di Husticia.

Den un carta di tres pagina, e abogadonan ta pidi pa e caso di apelacion wordo trata pa hueznan imparcial cu mester bin Corsou for di Hulanda, pa garantisa imparcialidad. Nan no tin confiansa den hueznan local of Hulandes Europeo riba e isla.

Tabata siman pasa cu a entrega e apelacion den e caso aki, conoci como caso Babel unda cu tanto Schotte como vd Dijs a wordo sentencia recientemente na castigonan di prison pa ambos. Cargonan ta entre otro falsificacion di firma y labamento di placa. Mira e carta aki.

Bron: NoticiaCla