Arubiano Mitch Henriquez clinicamente morto despues di agresion Policial na Hulanda

Un agresion fuerte cometi pa agentenan policial na Den Haag a pone cu awe e Arubiano Mitch Henriquez ta clinicamente morto. Tin un investigacion grandi andando di parti di recherche mes. Michel Henriquez conoci como Mitch ta biba den e area di Boroncana na Noord. E ta tata di tres yiu biba na Hulanda. Dos siman pasa el a bai Hulanda pa mira su yiunan y topa cu otro amistadnan y famia. Mitch mes tin 42 aña di edad.  Diadomingo mainta of marduga famia na Aruba a wordo notifica di e caso serio aki. For di trempan caba Mitch Henriquez a pone riba su facebook cu e ta prepara pa concierto di UB40 y Duran Duran. Hunto cu algun familiar y amigonan na Hulanda nan a bai concierto. Ta un persona hopi jolly Mitch ta.

Despues di concierto un chansa parce a pone e polisnan baha riba dje. Nan a pone na boei y brutalmente bai cune den auto. Famia ta bisa cu mas cu diez Polis lo a agredie malamente. E golpinan na su cabez tabata loke a pone cu awe e ta clinicamente morto.

Dokternan a bisa famia caba cu nan sigur no por haci nada mas pe. Ta ora a yega warda cu Mitch nan a mira con serio e agresion contra dje tabata y a core purba reanima e victima.

Djey a bai cune Hospital caminda e ta den man di Dios pa recupera. Ta pendiente pa e famia pa mira tog si tin recuperacion di Mitch despues di e agresion policial na Den Haag.

Bron: 24Ora.com