Komunikado di prensa
07 di mei 2012
Kolaborashon Arbo Advies Caribbean i FMA
E importansha di un estilo di bida saludabel i un ambiente di trabou salu.
Kada bes mas doño di trabou ta mas konsiente riba e efektonan negativo di un estilo di bida insaludabel riba un empleado. Abuso di alkohòl òf droga tin konsekuenshanan negativo riba prestashon na trabou, salu, produktividat, apsentismo i e esfera di trabou. Tambe e por afektá e seguridat di empleadonan, pone klientenan den peliger i daña e bon nòmber di e organisashon.
Fundashon pa Maneho di Adikshon huntu ku Arbo Advies Caribbean a sera un akuerdo di kolaborashon, kaminda doñonan di trabou ta wòrdu asistí dor di profeshonalnan ( entre otro dòkter i sikólogo) den mehorashon di un lugá di trabou salu i sigur.
Den forma preventivo e doño di trabou por hasi hopi. Formanan efektivo pa desanimá uso di alkohòl i droga,
– ta e introdukshon di un plan di maneho,
– seshon nan informativo pa trahadónan,
– training pa e dirigentenan
– i si ta deseá tèstnan di alkohòl i droga sporádiko.
Empleadonan ku problema riba e tereno aki por risibí guia profeshonalnan di un forma diskreto.
Pa mas informashon o un kombersashon sin kompromiso por yama e number di telefon 434-3638.