...segun abogado Roelof Bijkerk...

Bijkerk a papia tambe di e relashon di amistat di Schotte ku hefe aktual di VDC, sr. Michael Römer. I tambe indiká ku en bes ku Römer a sera den kaso di posibel froude ku seguro, ta kuminsá investigá e eksperto forensiko ku a atendé e kaso di seguro.

WILLEMSTAD.- E keho ku Gerrit Schotte a entregá kontra di mi, ta simplemente pa kita atenshon for di su kaso Babel, esaki ta loke ku mr. Roelof Bijkerk a duna di konosé den sala di korte.

Schotte, lider polítiko di partido MFK a keha mr. Bijkerk den Konseho di Supervishon di Abogado, pasombra segun Schotte mr. Bijkerk lo ta “yag” riba dje; ku e abogado tin rabia riba Schotte dor di interesnan privá; i tambe ta daña e bon nòmber di Schotte.

Despues ku dia 7 yüli 2015 último ku Schotte a entregá e keho, den e siman aki el a keda tratá.

Mr. Bijkerk a baha riba Schotte indikando ku no solamente e ta keda akusá di falsifikashon, labamentu di plaka i soborno, pero tambe ku e lider di MFK ta sospechoso den kaso asesinato di Helmin Wiels.

Mirando tur e akusashonnan ku tin kontra di Schotte, e abogado ta kere ku kastigu di durashon largu lo ta ward’é.

Pa loke ta trata e asuntu di yagmentu ku Schotte ta bisa ku ta e abogado a kuminsá kontra di dje, e ta bisa ku esei no ta bèrdat

Ta un yu’i Kòrsou a entregá keho kontra di e 50 meldunan di MOT ku tin relashoná ku Schotte.

E abogado a habri afó kontra di e vários kasonan ku den pasado i aktualmente tin kontra di Schotte.

El a papia di e relashon di amistat di Schotte ku hefe aktual di VDC, sr. M. Römer. I tambe indiká ku en bes ku Römer a sera den kaso di posibel froude ku seguro, ta kuminsá investigá e eksperto forensiko ku a atendé e kaso di seguro.

Ta e abogado a bisa ku segun memo di VDC, Schotte ta haña sèn for di hende di den eksterior. Tambe tempu e tabata diputado di turismo, el a haña 2 mion florin di Robby Dos Santos pa duna Dos Santos dos tereno grandi na Playa Bou & Abou, kaminda Dos Santos tin proyekto Playa Abou & Abou. den 2008 Schotte tabatin debe di Naf.800.000.-.

Vários kaso dudoso segun e abogado ku Schotte ta den. Aki dos siman e Konseho di Supervishon lo dikta sentensia.

Bron: Extra

Naschrift KKC

2015 07 09 - Klacht RvA Gerrit Schotte vs Roel Bijkerk by Black Lion

2015 08 04 - Verweerschrift Klacht Gerrit Schotte vs mr. Roel Bijkerk (Inclusief fraudes, extra MOT Melding...