30 C
Willemstad
• donderdag 28 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Extra | Proyekto di $900 mion i 25.000 kupo di trabou

HomeEconomieBouw en vastgoedsectorExtra | Proyekto di $900 mion i 25.000 kupo di trabou
No ta pa kasualidat Kòrsou a ser skohé

WILLEMSTAD.- E proyekto di Multi Commodity Center riba terenonan di Zona Liber na Hato ta unu ku a lo largo lo bai konta ku un invershon total di $900 mion i lo por krea trabou pa un 25.000 hende lokal.

Asina Minister di Desaroyo Ekonómiko, sr. Eugene Rhuggenaath, a duna di konosé na okashon di firmamentu di un akuerdo di ‘lease’ entre Curaçao Airport Holding i CMCC Development Group. CAH lo por un total di 82.5 hèktar di tereno disponibel pa por keda desaroyá den un sentro multifunshonal. Segun e minister, Kòrsou dje forma aki lo bira kas di un fórmula eksitoso òf duplikashon di un sentro similar na Dubai. E último aki a sòru pa kreashon di un sentro nobo kasi meimei di desierto, pero lo bai hasi algu kasi similar pa Kòrsou, pasobra nos tin e terenonan, nos tin e ekspertisio, nos tin e profeshonalnan, nos tin e konosementu pa realisá e proyekto aki. Pero por afirmá ku e proyekto aki ta unu ku ta ser sostené dor di tur ministerio den e gobièrnu.

KIKO E LO NIFIKA?

Ehekushon i e proyekto aki lo nifiká ku lo bai desaroyá un aria relativamente grandi den bisindario di Hato. Dje forma aki Kòrsou lo por yega tambe na loke e por yama un “Airport City”. E lo trese aktividat pa servisionan finansiero, pero tambe e lo sòru pa aktividatnan pa airopuerto mes.

Ku e sentro aki lo bai tin fasilidatnan pa ofisina i komo tal lo tin basta trafikashon adishonal di hende.

E proyekto aki tin un potensial grandi i C-MCC Worldwide lo invertí un suma total di $900 mion den nos ekonomia, kreando direktamente 11,000 kupo di trabou nobo den e Zona Franka. Ademas kalkulashon makro ekonómiko ta indiká ku 15,000 kupo di trabou adishonal lo resultá di un manera indirekto for di e proyekto aki. E proyekto lo yuda generá èkstra divisa i impuesto pa Kòrsou, yuda stimulá nos enseñansa i promové Kòrsou komo e hub finansiero mas importante den e region Karibense. Kòrsou lo wòrdu mirá komo e Dubai òf e Hong Kong di e region aki.

Promé ku drenta e fase di renovashon di e terminal bieu i konstrukshon di edifisionan nobo, C-MCC lo traha intensivamente ku gobièrnu i otro aktornan pa asina yega na un base fuerte legal ku ta kumpli ku tur eksigensianan legal. C-MCC su meta ta pa tin un bon relashon ku kompanianan lokal i tambe pueblo di Kòrsou pa asina huntu hasi e proyekto aki mas eksitoso ku ta posibel.

Bron: Extra

No ta pa kasualidat Kòrsou a ser skohé

WILLEMSTAD.- Ku ehekushon di e proyekto di “Multi Commodity Center” den Zona Liber na Hato lo yuda pone Kòrsou bek riba mapa mundial komo un sentro logístiko. I no ta pa koinsidensia Kòrsou a ser skohe komo e mihó lokashon pa un sentro asina den e parti aki di mundu. Asina Minister di Desaroyo Ekonómiko, sr. Eugene Rhuggenaath, a trese dilanti ayera tardi na okashon di firmamentu di un akuerdo di ‘lease’ entre Curaçao Airport Holding i CMCC Development Group. E akuerdo di lease ta un momentu históriko ku ta marka komienso di un proyekto importante pa Kòrsou. CAH lo pone un tereno di aproksimadamente 70.2 hèktar disponibel pa e proyekto i Curaçao Airport Partners a bai di akuerdo pa pone 12.3 hèktar disponibel, kual total ta forma un área di 82.5 hèktar. Esaki ta hasi e desaroyo di Curaçao – Multi Commodity Center Worldwide Zona Franka posibel.

Segun Minister Rhuggenaath, e proyekto i akuerdo aki ta unu ku gobièrnu di Kòrsou i CAH a bin ta spera riba dje pa hopi tempu, ta algu ku a dura algun aña pa a keda konkretisá den un akuerdo. Ta for di tempu ku e tabata diputado i tabata den komisariado di CAH ku a tuma e desishon pa pasa over sierto terenonan di e kompania aki pa keda desaroyá. I for di e tempu ei a kuminsá entamá e pasonan pa desaroyá un vishon duradero ku tin di ser kombertí den un “Airport City”.

Pero Kòrsou lo por mira futuro ku positivismo i fortifiká un dje pilanan ekonómiko ku tin. E vishon a surgi, pero solamente tabata falta pa e proyekto aki keda materialisá. Kòrsou tin e potensial pa desaroyá e sektor aki. E lo por ser konsiderá komo un ekstenshon di un industria ku lo pone Kòrsou bek riba mapa mundial i asina generá invershonnan di eksterior i empleo.
Na su opinion, e proyekto aki ta kumpli ku hopi di loke Kòrsou ta sperando. E Curaçao Multi Commodity Exchange ta un ekstenshon di e sektor finansiero tradishonal i e ta kuadra perfektamente pa yuda den e direkshon ku nos tin di bai ku mira pa futuro. Ta trata aki di un sentro sofistiká i multifasetiko. Lo tin fasilidatnan pa almensahe, tiendanan, diferente sorto di servisio, i kisas den futuro e sektor petrolero tambe lo por ta interesá. Tambe den futuro lo por mira tiendanan ku ta bende produktonan di alto kalidat, tambe benta di kòfi. Pues lo ta algu ku lo pone Kòrsou riba mapa.

Segun Rhuggenaath, e konsepto aki ta algu ku ta funshonando kaba na Dubai. I e tin di bisa ku no ta pa kasualidat sino ta despues di investigashonnan riguroso ku Kòrsou a ser skohe komo e mihó lokashon pa un Multi Commodity Center den e hemisferio oksidental.

Bron: Extra

6 reacties

  1. Rens en Hans blijf maar vooroordelen, Wij zullen zegevieren en als jullie zo pessimistisch zijn waarom pakken jullie de boeltjes niet en ga naar Nederland? Wij spreken vloeiend de twee meegesproken talen op aarde Engels en Spaans en onze opleiding is een van de beste op aarde en gelijk aan die van Nederland. Curaçao ligt en het centrum van Latijns America, VS, Europa en Afrika.

  2. @ Rens, troll van Gerrit de Raaf(dief) om naar fantastische verhalen te luisteren, moet je toch echt bij de bekend staande beroeps leugenaar en narcist, Gerrit de Raaf zijn, die heeft de hoofdprijs qa leugens altijd ruim voor handen.

  3. 10.000 banen bij de Chinese raffinaderij en nu komen er nog eens maar liefst 25.000 bij voor een Multi Commodity Center. Fantastische verhalen, of moet ik zeggen fantasie verhalen.

  4. Mirando ku lo bira un ampliashon di Zona Liber pega ku areopuerto HATO pues gobiernu mes lo no bai genera impuesto. Un otro punto no ta menshona pa kuantu aña e tereno ta wordu di lease ni tampoko e tempu ku e invershon(nan) lo tuma luga. Ademas lo ta bon pa klarifika kuantu kupo di trabounan temporal ku por wordu krea si opta hasi e parti diseño i konstrukshon di e fasilidadnan ku kompanianan i trahadonan lokal. I dimes mas informashon di e tipo di ekspertisio(nan) rekeri a largo plaso, abase di l kompaninan ku lo ta interesa pa establese nan mes einan.

Geef een reactie

Vul alstublieft uw commentaar in!
Vul hier uw naam in

Zoeken

Recente reacties