WILLEMSTAD.- Parlamento di Kòrsou djamars 11 di aprel den komishon sentral lo deliberá ku Defensor di Pueblo enkanto su relato di aña 2015. Reunion lo kuminsá 9’or di mainta.

E punto di agènda a keda poné riba agènda pa kumpli ku petishon di e miembronan di Parlamento Marilyn Moses, Gassan Dannawi i Eduard Braam.

Djárason 12 di aprel komishon sentral di Parlamento di Kòrsou lo deliberá ku gerensia di InselAir i e komishon enkuanto rekomendashon pa duna un fiansa na InselAir. Reunion lo kuminsá 9’or di mainta. E punto di agènda a keda poné riba agènda pa kumpli ku petishon di e miembronan di Parlamento pa partido PAR Marilyn Alcalá-Wallé, Curtly Obispo i Stephen Walroud.

Djaweps 13 di aprel lo tin reunion públiko di Parlamento di Kòrsou. Un di e tópikonan ta deliberashon ku Gobièrnu enkanto e défisit finansiero konstatá den presupuesto 2016 di Kòrsou, relatá den e ‘4e uitvoeringsrapportage’ di di Kolegio Supervishon Finansiero (Cft). E punto a keda poné riba agènda pa kumpli ku petishon di e miembronan di Parlamento Melvin Cijntje, Amparo dos Santos, Gerrit Schotte i Eduard Braam.

Otro punto riba agènda ta deliberashon enkuanto medidanan di alto supervishon. E punto di agènda a keda poné riba agènda pa kumpli ku petishon di e miembronan di Parlamento pa partido PAR Marilyn Alcalá-Wallé, Curtly Obispo i Stephen Walroud. Reunion di djaweps ta kuminsá 9’or di mainta.

Bron: Extra