WILLEMSTAD. – Na komienso di e reunion di parlamento yamá ayera pa mayoria di 11 parlamentario, t’asina ku Parlamentario sr. Gilmar “Pik” Pisas a duna un splikashon dikon a yega na e reunion èkstra ordinario i di karakter di urgensia di ayera.
Sr. Pisas a splika ku dia 12 di febrüari un mayoria nobo a keda kreá dor di 11 parlamentario, ku e intenshon pa forma un gobièrnu nobo.
Na momentu ku a manda un karta adelantá na Gobernador di Kòrsou, pa yega na un gobièrnu nobo, a resultá ku Konseho di Minister a tuma e desishon pa bai pa un elekshon nobo.
Miéntras tantu e grupo ku a bira mayoria, a pidi un reunion di Parlamento pa atendé moshon di deskonfiansa kontra di e gobièrnu i alabes baha Presidente i Vise Presidente di Parlamento.
E reunion aki a keda pidí ku karakter di urgensia pa awe djárason 15 di febrüari, pero Presidente di Parlamento a pone komo dia i fecha pa atendé e reunion, pa djabièrnè 17 di febrüari.
Pero kontra di tur antisipashon Gabinete Koeiman a retirá dos minister di Partido Pueblo Soberano, ku ta sr. Cordoba i sra. Larmonie-Cicilia, miéntras e dos ministernan aki ketu bai si ta gosando di e mayoria den parlamento.
Basá riba e desaroyo aki, e 11 parlamentarionan a manda un karta di urgensia pa Presidente di Parlamento, sra. Giselle Mc William, pa konvoká un reunion di urgensia ayera pa 7’or di anochi, pero desafortunadamente nan no a haña notifikashon di e presidente di Parlamento pa atendé e reunion.
Esaki a pone ku e mayoria a presentá den parlamento i pa e reunion por tuma lugá, Sr. Pisas komo esun di mas bieu a fungi komo Presidente di Parlamento.
Esaki ta loke ku a sosodé ayera p’asina e reunion por a tuma lugá p’asina por a pasa un moshon di deskonfiansa kontra di e
gobièrnu di Minister Koeiman i tambe pa baha Presidente i Vise Presidente di Parlamento.
Esaki ta den afan pa stòp e gobièrnu sigui tuma desishonnan miéntras ku e gobièrnu ei no tin sosten di mayoria.
Bron: Extra
Parlamento di 11 ta aprobá moshonnan kontra Gabinete-Koeiman
WILLEMSTAD.- E 11 miembronan di Parlamento ayera a reuní den sala di parlamento. Nan no ta di akuerdo ku presidente Giselle Mc William a posponé reunion di ayera, i awe, p’esei nan mes a konvoká un reunion.
Durante reunion di frakshonnan di MFK, Kòrsou di Nos Tur, Pueblo Soberano, Movementu Progresivo i parlamentario independiente Eduard Braam a aprobá 6 moshon kontra miembronan di e gabinete demishonario. Tur moshon a keda aprobá unánimemente, ku ta e siguiente: kontra Minister-presidente Hensley Koeiman i minister plenipotensiario Eunice Eisden i minister plenipotensiario suplente Anthony Begina, kontra Kenneth Gijsbertha (Finansa), Suzy Camelia-Römer (Tráfiko, Transporte, Planifikashon Urbano), Ornelio Martina (Hustisia), Zita Jesus-Leito (Salubridat.
Medio Ambiente i Naturalesa) i Eugene Rhuggenaath. E moshon ta bisa lo siguiente: “Konsiderando ku mayoria di minister di gabinete demishonario Koeiman no ta gosa mas sosten di mayoria di Parlamento. Ku a keda komuniká na e ministernan Larmonie i Cordoba den un ‘Bijzondere Raad van Ministers’ ku ta e intenshon pa duna nan dos retiro, siendo ku e dos ministernan aki si ta gosa di sosten di Parlamento.
Alabes e minister plenipotensiario i tambe e minister plenipotensiario suplente tampoko ta gosa di konfiansa di Parlamento”.
Moshon a keda mandá na gobernador di Kòrsou, Parlamento di Kòrsou, Sint Maarten i Ulanda, Gobièrnu di Reino, di Aruba, di Sint Maarten i e gobièrnu demishonario di Kòrsou.
Bron: Extra
IK zit net te denken wat met Gerrit te doen, als hij staten voorzitter wordt het zit er voor 100% in.
Kijk Kokkie daar nu eens zitten,precies op de plek waar hij wil ” Gerrit” zitten als Gerrit de Raaf het REFORMA uit schreeuwd, waar nu PIK de boordenwasser zit, zit straks Douwe Boersema, let op mijn worden.