WILLEMSTAD. – E kaso Maximus ta planiá pa kontinuá dia promé di desèmber benidero, awor lo kontinuá riba un otro fecha den e aña benidero.

Esaki pa motibu ku e testigunan ku mester a keda tend’é den e kaso aki, Hues Komisario no a logra pa tende nan ainda. Deklarashon di e testigunan aki ta di sumo importansia pa e kaso por tin mas klaridat.

Pero Hues Komisario no a logra tende e testigunan ainda i a plania pa tende nan fin di desèmber benidero.

Ta trata di testigunan ku fiskal a pidi. Ta trata di Elvis “Mònster” Kuwas.

Tambe fiskal a pidi pa tende e hòmber konosí di hustisia Michael Leesly den korte. Pasombra e hòmber aki a deklará ken a dun’e enkargo pa organisá morto di Wiels. Pero tambe el a tende ku e mesun hòmber aki a duna Nini mesun enkargo.

E siman aki e kaso ta planiá pa kontinuá, pero e echo ku ainda Hues Komisario no a tende testigunan, ta nifiká ku muchu kos lo no sosodé dia promé di desèmber aki.

Esaki ta nifiká ku kontinuashon di e kaso den públiko lo ta den komienso di aña 2017. E testigu Monster lo keda atendé via di video conference. Awor ku tin e video conferne, Nini tampoko lo optá pa bin Kòrsou.

Bron: Extra