WILLEMSTAD.- Minister di Salubridat Públiko Zita Jesus-Leito (PAR) ta kouteloso pa loke ta trata e desaroyonan pa konstrukshon di un hospital nobo.
Na diferente okashon den último dianan a pidi su komentario riba e diskushon fuerte ku a surgi entre SONA di un banda i Berenschot di otro banda.
Kosnan a bai dje leu ku dia promé di yanüari último SONA a kibra e kontrakt ku Berenschot. Ayera SONA a bisa ku e no por permití ku ta horka komunidat ku “miónes” mas den e proyekto.
Minister Zita Jesus-Leito a bisa ku ta awor el a bira minister i na su debido tempu lo atendé e situashon ku a surgi. Ainda no tin reunionnan ofishal ku a tuma lugá. “Nos lo bin bèk riba e situashon aki”, asina e mandatario a bisa den forma masha kouteloso. E minister a deklará si ku e anunsio ku a sali den prensa di SONA den kua a anunsiá ku ta kibra e relashon ku Berenschot, a kousa konsternashon. Diferente medio a publiká e anunsio ofishal dia 2 di yanüari último.
Mas aleu e minister a bisa ku punto importante ta ku e konstrukshon ta sigui. “Mi no por bai den mas detaye awor aki, pero nos lo tin ku atendé ku SONA den ki direkshon e situashon aki lo tin ku bai. Lo mester garantisá si ku ta keda riba skema pa e proyekto ta kla na 2018. Na mesa nos lo wak kiko e situashon ta. Esei lo tuma lugá mas rápido posibel”.
Komo parlamentario na diferente okashon Jesus-Leito i su partido a hasi pregunta riba e proyekto. “For di Staten nos tabata sigui e desaroyonan di serka pero awor aki nos ta mas serka di e proyekto. Lo guia e proseso di tal forma ku loke falta ta tuma lugá tambe. No solamente mester atendé e proyekto mes pero tambe e parti importante di transishon. Entre otro esnan ku ta bai traha na e hospital nobo mester haña nan formashon. No ta un proyekto fásil pero un di esnan mas grandi di último dékadanan. E tin su desafio pero nos kier pa tur hende sa ku e proyekto tin prioridat grandi i tin nos atenshon”, asina e minister a bisa.
Bron: Extra
Curaçao Independiente, weet u wel waar u het over heeft? Ik kunt beter het contract eens doornemen alvorens iets neer te pennen. Het contract is een design (Ballast-Nedam), build (Ballast-Nedam) and maintain (Ballast-Nedam). Even voor de duidelijkheid, niet Berenschot.
USONA/Berenschot heeft als hoofdtaak, bij de bouw, een soort toets-functie. Waarbij USONA/Berenschot de engineering van het HNO-project toets op technisch haalbaarheid en technische uitvoerbaarheid. Dit ter ondersteuning van SONA en dient dit ook te verslaan aan SONA. Verder dien je even verder te kijken dan je neus langer is en dan kom je er snel genoeg achter waarom SONA eindelijk man genoeg is om een partij als Berenschot tot een halt te roepen. Tot hier.
Foi momentu ku Gobiernu di Kòrsou mester a pidi un evaluashon pa un projekto ku no a finalisa esta Nos Hospital Nobo (HNO), ta kuestionalbel pa trabounan ku SONA i USONA/Berenschot ta hibando. I lo ta bon pa rekorda ku a pidi e evaulashon aki hustamente dor di kostonan ekstra/claim no funda o ku tin falta di hustifikashon! Pues den Ultimo Notisia a sali awe ku parse e suma ekstra a para bira 82 mionesnan. Ki a hiba ku SONA i USONA diripiente no ta trahando bon mas ku otro? Kon e suma ekstra/claim aki a bira asina kantioso? Pani papia di e tardansa pa finalisa e projekto! Di tur manera e trabounan di konstrukshon ta keda responsabilidat di Ballast Nedam. Pero manehamentu dor (USONA/Berenschot) i kontrol (SONA) no por sigui asina, sea nan tin drecha nan ideferenshanan o Ministerio Salubridat mes ta hañe ta tuma tareanan over pa evita tardansa, pero alabes soru tambe pa tin transperensha pa ku kostonan di e projekto!