Extra | Awor si wega di azar via SMS di UTS a para

Awor si wega di azar via SMS di UTS a para | Foto Haas McCann

WILLEMSTAD.- Ayera si benta di number via SMS di UTS a para. For di ayera spesialmente klientenan di Robbie’s Lottery a haña sorpresa ora nan a bai kumpra number via di SM2020 i a tuma nota ku esaki a stòp di funshoná.

Klientenan ku ta hasi uso di e sistema aki di SMS for di nan komodidat di kas tabata rabiá ku no a notifiká nan na tempu ku e sistema ta stòp di funshoná, i a reklamá esaki riba página di “facebook” dje kompania di loteria. Riba página di “facebook” di Robbie’s Numbers a kontestá e klientenan lo siguiente: “bonochi, nos no por stòp nada…si UTS stòp nos, no por manda mensahe..sorry”.

Ayera ta hasi nèt e dos siman ku e kompania UTS a duna kompanianan di wega di azar via di SMS di UTS tempu pa por kaba di regla nan asuntunan, manera nan a pidi.

Dia 12 yüni UTS a anunsiá ku nan lo stòp ku e servisio di benta di number via di nan sistema di SMS pa dia promé di ougùstùs. Sinembargo EXTRA a tuma nota ku dia 2 di ougùstùs ainda e servisio aki tabata aktivo. P’esei EXTRA a papia ku direktor di UTS, Sr. Paul de Geus kende a indiká ku komianan ku ta hasi uso dje sistema di wega di azar via SMS di UTS a pidi dos siman di tempu pa por kaba di regla nan asuntunan. Si esaki te kaso no ta konosí pa EXTRA, pero UTS si a kumpli ku e “deadline” ku el a duna e kompanianan aki. Pues e servisio di benta di wega di number via SMS di UTS awor si no ta aktivo mas. E sistema di benta di number SMS 2020 tabata den diskushon for di 2013 tempu ku Helmin Wiels, e anochi promé ku su morto, a denunsia e loke tabata konsiderá “aktividat ilegal”. Wiels a lansa krítika riba e organisashon pero tambe UTS ku tabata gana, na su konsepto un dineral, ku un aktividat ilísito. Gobièrnunan di turno a anunsiá ku lo a studia e situashon pa despues formalisá e wega via di SMS pero nunka esei a tuma lugá. Añanan a pasa i awor UTS mes a disidí pa pasa kuchú den e sistema. Ku e sistema di number SMS 2020, gobièrnu a pèrdè di gana algun mion florin na entrada di belasting den último añanan loke a resaltá den e kaso Bientu.

Bron: Extra

2 Reacties op “Extra | Awor si wega di azar via SMS di UTS a para

  1. Staat vermeld “””Ku e sistema di number SMS 2020, gobièrnu a pèrdè di gana algun mion florin na entrada di belasting den último añanan”””

    Maar hoeveel kansspel- winstbelasting en OB hebben ze betaald aan de overheid?

  2. Hahaha!!!!!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *