6 persona indokumentá a keda detené | Extra

WILLEMSTAD.- Mardugá di djasabra pa djadumingu Wardakosta di Karibe a detené un kantidat di 6 persona indokumentá serka di Aruba.

Tabata mas o ménos mei anochi ku e radar di Wardakosta a sinti presensia di un boto sospechoso.

Mesora a manda un Super-RHIB for di e base na Aruba direkshon parti sùit di e Ostpùnt di Aruba kaminda a señalá e boto sospechoso.
Na nan yegada mesora a detené 6 persona venezolano ku kier a yega i subi tera na Aruba di un forma ilegal.

A hiba tur 6 persona na e base na Savaneta.

Aserka a detené e kapitan i un otro tripulante sospechá di trafikashon di hende.

Nan a keda entrega na outoridatnan lokal.

E otro personanan indokumentá a keda enkarselá pendiente nan deportashon.

E kaso aki ta den investigashon.

Bron: Extra