Klik hier voor de Nederlandstalige versie

WILLEMSTAD – Un dia despues di 10-10-10 m’a skibi riba e website di Wereldomroep ku ta te despues di nuebe página di sanger i spèrma (s&s) Vigilante a duna atenshon na e dia anterior históriko. Esta, un di mi redaktornan a skibi esaki. Pero bou di mi redakshon final. Nunka mas kos no a drecha entre ami i Lilo Sulvaran, redaktor hefe di e korant di polis ei.

For di e dia ei regularmente su korant tin algu di bisa di mi. No mashá interesante, pero semper fikshon kreativo. Lilo no tin periodista ta traha p’e, ke men no sa sosodé nunka ku ta yama mi na telefon pa verifiká notisia òf pa duna mi opinion den kuadro di skucha tur dos banda, nunka.

Pa mi no ta problema, pero mi ta kere pa su lesadó nan sí. Aparentemente Lilo ta dispuesto di kohe nan un kabés abou  i usa su lesadónan pa bringa su enemistatnan personal. Tur esaki ta mustra hopi menospresio pa su públiko.

Telegraaf
Un dia ku m’a skibi ku un korant lokal s&s ta paga polis pa haña informashon tokante fail grandi di polis i ta mantené lasonan ku e korant Telegraaf na Hulanda, aparentemente mesora Lilo a rekonosé su korant i a eksortá mi pa rektifiká imediatamente.

E petishon amabel di abogado Mirtho Murphy naturalmente mi a keda sin aster ku mesun amabilidat – tòg el a haña su plaka kaba. Mi a ofresé sí pa definí e referensha na Lilo su korant poko mas fleksibel – ta kolega nos ta porfin – pero e no a aseptá. Tabata anochi lat tambe i Mirtho a bai drumi kaba, ke men el a sms mi: Nos ta wak mañan.

Asjes
Na huramentashon di gabinete Asjes nos a topa átrobe. Den Fòrti. Semper ku su sonrisa grandi el a duna mi man i m’a puntr’é ku e ta rabiá ainda. E di “Nò. Mi no ta rabiá mas, mi ta pordoná bo. Ma lo mi no lubidá nunka! No lubidá ku ami ta grandi i Vigilante ta mas grandi ainda. No ta un nivel ku abo por yega na dje!”

Ora Lilo a kaba m’a hari saka djente meskos bèk i mi a deseyé tur éksito ku su korant grandi. Ta kolega nos ta porfin. Ku eksepshon di un relato kompletamente inventá ku Umpie Welvaart skondi den yerba di paparazzi – e por a djis saka un potrèt – kos a keda trankil entre nos dos pa basta tempu.

Rasismo
Te e siman aki. Ya pa dos dia mi ta haña atenshon atrobe den su korant. Den e promé artíkulo ta trata di e tekstonan rasista serka e selfie di Leroy Fer. No ta menta mi nòmber den henter e artíkulo, pero ta akompaña e artikulo sí ku un potrèt di mi ku paparazzo Umpie a saka. Ta kompletamente vago pakiko a publiká e potrèt ei ku e teksto ei bou di dje den e artíkulo aki, òf mester ta ku Lilo ke pone mi den relashon ku e tema ‘rasismo’. Menospresio pa su lesadonan atrobe, pasobra nan mes mester rei ta kiko tin awor.

Djaweps artíkulo number dos ta pasa. Atrobe ta kompletamente vago pakiko ta mi potrèt ta huntu ku e artíkulo, pero sikiera mi ta aparesé den e teksto tambe.

K-n-i-p-s-e-l krant
Lilo ta kere ku mi ta skibi pa e Knipselkrant ‘rasista’. Pensamentu mas aleu ta un tiki difísil p’e, pero esei ta lógiko, tur kos ta su ruman abogado ‘Peppie’ mester bis’é den su orea. Esaki su ofisina ta banda di esun di Lilo na Pietermaai. Pasobra, e nòmber Knipselkrant ta splika su mes kaba: niun hende no ta skibi pa Knipselkrant, Knipselkrant ta usa loke a skibi i sali den otro medio di komunikashon i e ta ‘kòrta’i publiká e pidanan ei. Anto… ata bèrdè, su redakshon no tin kustumber di papia ku e hendenan mes ku ta aparesé den nan artíkulonan.

Lilo ta haña ku mi mester distansiá mi mes di e ‘korant’ei. Ku djis asin’ei ta publiká mi potrètnan i mi opinion. Ainda e palabra ‘knipsel’ (fragmento kòrta, trad.) no a kai. I ken ku ta sigui mi un tiki, sa ku kasi tur korant i emisora di radio – hopi be sin pèrmit – ta ‘kòrta i plak’ mi trabou. Esaki si ta bira hopi distansiamentu…

Den e kaso den korte di e tres mosketeronan djaweps pasá, tambe mi nòmber a kai relashoná ku e palabra ‘rasismo’. Knipselkrant a publiká un kartun di ‘Fokke en Sukke’ ku mi a traha i publiká riba mi Facebook, i asina Peppie i Kokkie  a yam’é rasista.

Esaki ta sklama pa un kartun nobo:

Bron: AchterkantVanCuracao